சுகிர்தா ஜோசப் பிரேம்நாத் எழுதிய ஆங்கில கட்டுரையின் தமிழாக்கம்
”நான் என் வில்லை மேகத்தில் வைத்தேன்; அது எனக்கும் பூமிக்கும் உண்டான உடன்படிக்கைக்கு அடையாளமாயிருக்கும்.” — ஆதியாகமம் 9:13வேதாகமத்தின் சான்றின்படி மனிதகுலத்துடன் தேவன் செய்த முதல் உடன்படிக்கை வானவில்லின் அடையாளத்துடன் குறிக்கப்பட்டது. நோவாவின் காலத்தில் ஏற்பட்ட பெருவெள்ளத்திற்குப் பிறகு, தேவன் மேகங்களில் தமது வானவில்லை ஓர் உடன்படிக்கையின் அடையாளமாக வைத்தார். வானவில் என்பது அனைத்து படைப்புகளுடனும் தேவன் செய்த முதல் உடன்படிக்கையை நமக்கு நினைவூட்டுவதற்காகவே இருக்கிறது.வேதாகமம் முழுவதும் தேவன் அநேக உடன்படிக்கைகளையும் செய்திருக்கிறார். தேவன் உண்மையுள்ளவர், அதுவே அவருடைய குணம். அவர் ஒருபோதும் தமது உடன்படிக்கையை மீறுவதில்லை. அவரது உடன்படிக்கையின் வாக்குத்தத்தம் கிறிஸ்துவில் நிறைவேறியது. இயேசு கடவுளின் முழுமையாக இருக்கிறார், மேலும் கிறிஸ்துவில் மனிதகுலத்துடனான அவருடைய சமாதான உடன்படிக்கை நிறைவேறியது.இயேசுவின் இந்த வண்ணமயமான ஓவியம், நம்முடன் தேவன் செய்துகொண்ட உடன்படிக்கையின் பிரதிபலிப்பாகும். இயேசுவின் மூலம் அவர் நம்மோடு சமாதானம் செய்திருக்கிறார்; சிலுவையில் கிறிஸ்துவின் அந்த முடிவுற்ற கிரியை இல்லாமல், இந்த உடன்படிக்கை முழுமையடையாது.இயேசுவின் அந்த முடிவுற்ற கிரியை இன்று உங்கள் வாழ்க்கையில் என்ன தாக்கத்தை ஏற்படுத்துகிறது?தேவனின் உண்மைத்தன்மை உங்களுக்கு எதை உணர்த்துகிறது?
”அல்லாமலும், நம்முடைய நம்பிக்கையை அறிக்கையிடுகிறதில் அசைவில்லாமல் உறுதியாயிருக்கக்கடவோம்; வாக்குத்தத்தம்பண்ணினவர் உண்மையுள்ளவராயிருக்கிறாரே.” — எபிரெயர் 10:23
